ब्रिफिङ

देशमा ऐतिहासिक जनआन्दोलनले उत्कर्ष रूप लिइरहेको थियो । समाजका प्रत्येक तह र तप्काका जनताहरू कर्फ्यूको अवज्ञा गर्दै ज्यानको बाजी लगाए निरङ्कुशताविरुद्ध चर्को प्रदर्शन गरिरहेका थिए । चर्का नाराहरूले शहर जुरुक्क उचालिएको थियो । बुट, लाठी, अश्रुग्याँस एवम् गोलीलाई पानीको फोका ठानिरहेका थिए आन्दोलनकारीहरू ।

आन्दोलनको गुप्तचरी गर्न आएको सिपाहीले प्रहरी निरीक्षककहाँ जाहेरी गर्‍यो – साब् देश छोड फाँसी दे जस्ता अराजक नारा सडकमा लागेको छ । लाखौँ जनताहरू निरङ्कुशताको विरुद्ध उत्रिएका छन् । प्रहरी निरीक्षकले आफ्नो हाकिमलाई जाहेरी चढायो – साब सडकमा हजारौँ मान्छेले चर्का नारा लगाएका छन् । हाकिमले प्रहरीप्रमुखलाई जाहेरी चढायो – साब सयौँ मान्छेहरू सडकमा जिन्दावाद/मूर्दावादको नारा लगाइरहेका छन । प्रहरीप्रमुखले गृहमन्त्रीलाई जाहेरी चढाए – मन्त्रीज्यू सडकमा सामान्य प्रदर्शन भइरहेको छ । गृहमन्त्रीले जीवनकै उत्तरार्द्धमा पुगेका जरसाब्, करसाब् र कथित सम्माननीयहरूसमक्ष जाहेर गरे– ख्वामित सडकमा धेरैले सरकारको समर्थन गरेका छन्, मुठ्ठीभरकाले हल्का विरोध गरेका छन । ख्वामितहरूले राष्ट्रप्रमुखसँग बिन्ती चढाए – सरकार सडकमा मौसूफका रैतीहरूले मौसूफको जयजयकार गरिरहेका छन् ।

डा. रविन्द्र समीर का यस साईटमा प्रकाशित रचना (हरु)

1. बन्दका कथा
2. ढुङ्गाको देवता
3. राशिफल
4. लाइसेन्स
5. के छ पारू?
6. आगो
7. ब्रिफिङ
8. दुर्व्यसन
9. अनुभूति
10. कालोपट्टी
11. भाग्य
12. पोइटिङ्ग्रे
13. ईर्ष्याको खेती
14. ढङ्गाको मन
15. पलायन
16. चिडियाखाना
17. अनुत्तरित प्रश्नहरू
18. हिउँको मन
19. गाउँ र सहर
20. रक्सी
21. नियम
22. सफलता
23. सुनामी
24. बाजा
25. आराम
26. पुरस्कार
27. समाजको ऐना
28. झाँक्रीसाइँला
29. जाडोको लुगा
30. हरिलठ्ठक
31. सलाम र फलाम
32. जिन्दगीको परिभाषा
33. शव परीक्षण