हाम्रो बारेमा

नेपाली साहित्यमा लघुकथा विधालाई संस्थागत रुपमा विकास गर्ने उद्देश्यले वि.सं. २०६५ भदौ ५ गते लघुकथा समाजको गठन भएको थियो। श्रीओम श्रेष्ठ 'रोदन' को संयोजकत्वमा गठन भएको तदर्थ समितिका सदस्यहरुमा किशोर पहाडी, धु्रव मधिकर्मी, गोरखबहादुर सिंह र डा. रवीन्द्र समीर रहनु भएको थियो। लघुकथाको विस्तार र विकासका लागि समाजले लघुकथासम्बन्धी अन्तरक्रिया, गोष्ठी, प्रतियोगिता, प्रकाशन, अनुवाद गरी प्रचारप्रसार गर्ने उद्देश्य राखेको छ। त्यसैगरी लघुकथाको परिभाषा र मापदण्ड बनाउने, लघुकथासङ्ग्रह र लघुकथाकारहरुको अभिलेख तयार पार्ने उद्देश्य पनि समाजले राखेको छ। वि.सं. २०६६ भदौ १३ गतेको विशेष सभाबाट लघुकथा समाजको पुनर्गठन भयो।